PNR



Last Tuesday na experience ko na sumakay ng tren ng PNR. After 35 years on Earth. Hehehe... Sa true lang, pangarap ko sumakay ng tren. Sayang nga kasi wala pang byahe hanggang Bicol kasi ayun talaga ang ultimate dream ko. Ang makasakay ng tren at magbyahe ng ganun kalayo. Iba ang tren sa nakikita ko sa tv, sa mga Hollywood movies. Yung mga may sariling room. Ibang klase siguro yun.
In fairness, malaki pala ung tren. Parang MRT/LRT din ang luwag niya. Aircon din naman. Kaya lang, nakakaloka kasi kapag nasa bandang Alabang na, sobrang puno na. Hindi ko  tuloy na enjoy ang view.

5:21am pumunta na ako sa Biñan station, sa San Vicente. 30 pesos lang pala hanggang Tutuban Station. Murang mura. Kumpara sa bus at mag fx ka pa or taxi papuntang Divisoria.
Pagkapasok ko sa tren, hindi pa siya puno pero wala na akong maupuan. Lamang ang mga kababaihan na nakaupo. Pero maya maya sa Golden City madami na ding sumakay. Unti unti nagliliwanag na, Hanggang makarating sa Alabang station, MISMONG MISMO sa dami ng sumakay. As in puno na! Box office hit! Standing Room Only. Nawawala na ang lamig ng aircon.
At hindi ko na ma enjoy ang view. Siyempre, tutok din ako sa bag ko, kasi hindi mo masasabi. Madaming mandurukot. Mga past 6am nakarating na ng Tutuban station.

Ganoon pala ang itsura ng PNR Tutuban. Maaliwalas naman, kasi maaga pa. Hindi pa mainit.
Hindi aircon, Nakakaloka, probinsya ang peg. Tawid lang pala nito ang Tutuban Mall. Ngayon lang din ako nakarating dun.
 Ilang lakad lang pala nun ang 168 Mall. Pero sumakay ako ng tricycle inikot pa ako, hindi pa sinabe na pagtawid ko 168mall na. Hay! Manong naman!!!

Pauwi naman, nakasakay ako ng 5:47pm. Grabe puno na, nadaanan namin ang ilog, nakaka aliw, Nakalimutan ko kung Sta Mesa station ba un may tulay sa ilog.

Hindi ako nakaupo hanggang sa Buendia. Sorry sa mga hindi nakaupo pero masakit na talaga ang mga paa ko. Pasensiya na po.

Pagbaba namin ng Alabang, sarap kasi may mga street foods, fishballs, buko juice, kwek kwek... hayyy!!! This is life!!!

Kahit ganun, sasakay ako ulit sa PNR...

Ang saya saya kaya!!!



Sent from OPPO Mail

Walang komento: